Biblioteca Canistrel

EL ELIXIR DE AMOR

2012-01-30T11:04:00.005+01:00

O venres 27 de xaneiro o alumnado de 5º e 6º de Primaria do noso centro acudíu ao Auditorio de Ourense para asistir á representación do espectáculo lírico El elixir de amor da compañía Camerata Lírica de España.
El elixir de amor de Donizetti conta como Nemorino está namorado de Adina, pero ela só lle transmite indiferenza. Desesperado, Nemorino mércalle un misterioso elixir ao doutor Dulcamara, un enganador que asegura que o seu milagroso producto é capaz de curar o mal de amores. A raíz de todo isto vanse desenvolvendo todos os acontecementos.
O/as alumnos/as gozaron dunha novedosa adaptación deste texto, con música en directo, que se representou dun xeito áxil, ameno e divertido.

CAMPIONATO CAMPO A TRAVÉS

2012-01-30T10:35:00.010+01:00

O día 18 de xaneiro os nenos e nenas do noso centro participaron na final comarcal de campo a través en Muiños. Tiveron moito éxito e gañaron 6 trofeos:

- 1º clasificados en benxamín masculino e feminino.
- 2º clasificados en infantil masculino e feminino.
- 1º clasificados en alevín masculino e feminino.

XOGOS POPULARES

2012-01-25T14:10:00.004+01:00

Os días 9,16 e 23 de xaneiro os nenos e nenas de 6º curso de Primaria do Curros participaron nunhas actividades de xogos tradicionais, dentro da VII edición do Obradoiro de Xogos Tradicionais impartido polo Centro de Cultura Popular "Xaquín Lorenzo".

MOCHILAS VIAXEIRAS

2012-01-24T10:50:00.011+01:00

Como en anos anteriores xa temos preparadas as mochilas viaxeiras para que os nenos e nenas de Infantil e Primaria poidan gozar delas.
Despois de ler as suxestións que o curso pasado fixo algún pai/nai no caderno viaxeiro, decidimos incluir puzzles nalgunhas das mochilas.
O día 19 de xaneiro entregáronse as mochilas aos nenas/os de Primaria e o día 26 entregaranse as de Infantil.

VISITA DOS REIS MAGOS

2012-01-11T10:51:00.003+01:00

O mércores 21 de decembro recibimos no colexio a visita das súas maxestades os Reis de Oriente para agasallar a todos os nenos e nenas do centro cun fermoso libro.
Aquí vos deixamos a mostra da súa visita.

Visita reis

View more presentations from luis425.

PREMIADOS CONCURSO CONTOS NADAL

2012-01-09T11:12:00.003+01:00

Na seguinte presentación podedes ver @s premiad@s no concurso de Contos de Nadal 2011.

Premiados contos

View more presentations from luis425.

PREMIADOS CONCURSO TARXETAS NADAL

2012-01-09T11:04:00.003+01:00

A continuación podedes ver as fotos d@s nen@s premiad@s no concurso de Tarxetas de Nadal 2011.

Premiados tarxetas

View more presentations from luis425.

FESTIVAL NADAL

2011-12-21T13:46:00.020+01:00

Xa próximos ás festividades navideñas celebramos no Curros o festival para os nenos e nenas do colexio o luns 19 e para as familias o martes 20 de decembro. A orde das actuacións foi a seguinte:

3 anos: Twinkle twinkle (little star).
4 anos: Cun sombreiro de palla.
5 anos: Los colores del portal.
1º: Unha pouca roupiña.
2º: Los tres pastelitos.
3º: Orquesta original.
4º: Blanca Navidad.
5º: Jingle Bell Rock.
6º: So this is christmas.
Para pechar o festival actuaron a Rondalla e o Grupo de Pandeiretas do colexio.

Para ver os vídeos das actuacións premede no seguinte enlace:

Canal do Ceip Curros Enríquez en Youtube

El hombre de Vitruvio

2011-12-21T13:35:00.006+01:00

O noso compañeiro Juanjo publica o seu terceiro libro co título de "El hombre de Vitruvio".
A súa presentación terá lugar hoxe ,21 de decembro, ás 19.30 horas no Centro Cultural Deputación.
Se queres ler o primeiro capítulo preme na fotografía.

Guía de nadal 2011

2011-12-16T11:42:00.010+01:00

Como ven sendo habitual por estas datas o Equipo da Biblioteca elaborou unha guía de lecturas para os alumnos/as do colexio, esperemos que sexan do agrado de todos/as.

VIDEOCONFERENCIA CON PAPÁ NOEL

2011-12-16T11:20:00.007+01:00

As nenas e nenos de 3 e 4 anos de Educación Infantil asistiron á aula Cemit no concello de Celanova para falar con Papá Noel e facer as súas peticións de agasallos.

CONCURSO DE TARXETAS E CONTOS DE NADAL

2011-12-07T12:54:00.009+01:00

Como ven sendo habitual por estas datas, o Equipo de Biblioteca ,en colaboración co Equipo de Normalización e Dinamización Lingüística do Curros, convocou de novo o Concurso de Tarxetas e Contos de Nadal 2011.
Abaixo podedes ver as bases.

OS CALDERETAS DESCOBREN A POESÍA EN CELANOVA

2011-11-30T14:03:00.012+01:00

O día 25 de novembro o alumnado de primaria do colexio asistiu á presentación do libro "Os Calderetas descobren a poesía en Celanova". Este acto celebrouse no auditorio de Celanova e contou coa presenza do seu ilustrador Pepe Carreiro.
Este libro achéganos ós poetas de Celanova: Castor Elices Rodríguez, Manuel Curros Enríquez, Castor Méndez Brandón, Celso Emilio Ferreiro Míguez e Xosé Luís Méndez Ferrín.

Despois deste acto, os nenos e nenas do 3º ciclo de Primaria visitaron a exposición titulada "Querido Balbino!" que trata sobre a obra Memorias dun neno labrego de Xosé Neira Vilas e da súa vida.
A continuación acudiron á Biblioteca Pública de Celanova situada no Auditorio.

TEATRO DE TÍTERES

2011-11-25T13:39:00.005+01:00

O alumnado de 5 anos de Ed Infantil e primeiro ciclo de Ed. Primaria asistíu ao Auditorio de Ourense o luns, 21 de novembro, para ver a obra de títeres "Pinocho y Medio", representada pola compañía El Retablo.

O MAGOSTO

2011-11-23T14:10:00.018+01:00

O día 17 de novembro celebramos a festa do magosto no Curros.
Pola mañá tivemos unha sesión de xogos populares.
O patio dividiuse en dúas zonas; unha para Infantil e 1º curso e outra para o resto de alumnado de Primaria.

Pola tarde houbo unha desgustación de productos típicos de outono; ademais de fogata, castañas e baile.

FROITOS DO OUTONO

2011-11-23T13:12:00.012+01:00

Durante a semana do 7 ao 11 de novembro o alumnado de Ed. Infantil tivo unha exposición nos corredores do noso centro sobre "Froitos carnosos e secos típicos do outono".

O xoves, 10 de novembro, fíxose unha pequena degustación dos mesmos.

TEATRO EN INGLÉS - ROBIN HOOD

2011-11-23T10:45:00.003+01:00

O día 14 de novembro os alumnos e alumnas do 2º ciclo asistiron ao auditorio de Ourense para ver unha obra de teatro en inglés titulada Robin Hood, interpretada por FACE2FACE Theatre Company.

A lenda dun bandido heorico, a súa banda de ladróns e unha dama en apuros. O malvado Sherif de Nottingham, un home malhumorado e avaricioso, está a lles cobrar impostos aos pobres cidadáns. Robin Hood, coa axuda da súa banda, The Merry Men, utilizan humor, a música e a participación do público para aliviar a dor dos pobres.

A AVENTURA DO SABOR ESTÁ NO MAR

2011-11-23T10:36:00.002+01:00

O día 8 de novembro tivo lugar na biblioteca do cole unha actividade promocionada pola Xunta de Galicia para fomentar o consumo do peixe nos comedores escolares. A esta actividade asistiron as nenas e nenos do primeiro ciclo de primaria. Esta campaña leva o título "A aventura do sabor está no mar.

MÚSICA DOS BALCÁNS

2011-11-22T16:33:00.010+01:00

Os alumnos/as de segundo e terceiro ciclo asistiron o día 8 de novembro ao auditorio de ourense para coñecer a música dos Balcáns.

Esta audición leva o título de "Música de los Balcanes dentro de una maleta" e está interpretada por Los Moussakis.

Pulsa na foto para obter máis información.

VIDEOCONFERECIA XORNADAS DA CIENCIA

2011-11-22T16:08:00.003+01:00

O venres 4 de novembro, os nenos e nenas do terceiro ciclo tiveron unha videoconferencia sobre as II Xornadas da Ciencia en Galego.
A conferencia foi impartida pola profesora de botánica da universidade de Santiago de Compostela, dona Mª Isabel Fraga Vila e levaba o título de "Sabes porque o ano 2011 é o ano dos bosques?"
A actividade estivo moi interesante, os nenos e nenas animáronse a facer preguntas on line. Nesta actividade participamos á vez 100 centros de toda Galicia.

PLANETARIO MÓBIL EN CELANOVA

2011-11-22T14:27:00.006+01:00

O alumnado de 1º e 2º ciclo de Primaria do Curros visitaron o Planetario móbil instalado no pavillón das Triguerizas o día 3 de novembro.

SAMAÍN 2011

2011-10-31T14:21:00.007+01:00

Con motivo da celebración do Samaín, o venres 28 de outubro estivo dedicado á realización de varias actividades relacionadas co tema.

Na biblioteca fíxose unha exposición de libros de terror, para que tódolos cursos a viran. Tamén houbo para tódolos cursos unha exposición de cabazas no vestíbulo do colexio. Algunhas destas cabazas usáronse para indicar o camiño á biblioteca.

Para os alumnos/as de catro, cinco anos e os do primeiro ciclo elaborouse un xogo sacado da "web de Norberto": Aí ven a bruxa. Este foi facilitado pola mestra Yolanda González Guerra.

Os rapaces do segundo e terceiro ciclo tiveron unha presentación (feita polo equipo da biblioteca) na que se explica a orixe desta festa.

Samaín 11

Día Internacional das Bibliotecas Escolares

2011-10-25T14:35:00.008+02:00

Celebramos o Día Internacional das Bibliotecas Escolares o luns 24 de outubro coa proxección dun vídeo-conto feito polo Equipo da Biblioteca sobre os Bolechas titulado "Os Bolechas queren saber... como é unha biblioteca".

Formación de usuarios

2011-10-25T14:21:00.004+02:00

Como actividade previa á apertura da Biblioteca neste novo curso, levamos a cabo unhas sesións de formación de usuarios para coñecer mellor o seu funcionamento e as súas normas.

2011-10-24T23:22:00.007+02:00

Ola a tod@s! levabamos un tempo sen publicar nada e para comezar deixámosvos este documental que parécenos precioso LISTEN TO YOUR HEART ~ Mike Rowland, Film by Ruedi & Priska Abbühl.

PRESENTACIÓN DO LIBRO CRIATURAS

2011-06-01T10:49:00.008+02:00

O venres, 27 de maio @s alumn@s de 6º presentaron o libro feito por eles "Criaturas". O libro foi apadriñado polo escritor Luis González Tosar.
Durante o acto de presentación vimos a curtametraxe "Nouturnio" do director Raúl García.
Para rematar o acto @s alumn@s de 6º cantaron a canción "A saia da Carolina", acompañándose con frautas e xilófonos.

LETRAS GALEGAS 2011

2011-05-26T13:45:00.003+02:00

Con motivo da celebración do Día das Letras Galegas levamos a cabo os seguintes actos: proxección dunha curtametraxe sobre a biografía de Lois Pereiro, lectura das poesías premiadas no V Certame Literario e entrega de premios e posta en escea da peza teatral "O arco da vella", a cargo do grupo de teatro do centro.
Neste enlace veredes a curtametraxe: http://vimeo.com/23864064
Aquí podedes ver a presentación e o vídeo das poesías premiadas.

Certame literario

View more presentations from luis425.

XORNADA CONTACONTOS

2011-05-25T12:20:00.020+02:00

Onte martes, 24 de maio, gozamos no Curros dunha xornada de contacontos por parte das Tres Xemelgas.

Pola mañá o alumnado de Infantil, primeiro e segundo ciclo de Primaria vivíu as aventuras e desventuras da Cebra Camila.

Pola tarde os/as alumnos/as de 6º curso deron A volta ó mundo en oitenta días.

As xemelgas fixeron unha fermosa viaxe arredor do mundo e ían deixando pistas para que @s rapaces/as adivinaran os países e as cidades que visitaban .

IV CERTAME DE TEATRO DE BANDE

2011-05-19T11:13:00.007+02:00

O 18 de maio, os nenos e nenas do grupo de teatro do noso cole participaron no "XVI encontros de teatro escolar e amateur", que se celebrou no CEIP Xoaquín Lourenzo de Bande, organizado por dito concello.

A obra que representaron titúlase "O Arco da Vella" e tivo unha gran acollida entre o público.

Queremos agradecer ao colexio de Bande a gran acollida que nos deron.

XORNADA DE CONVIVENCIA

2011-05-11T10:45:00.007+02:00

Hoxe, día 11 de maio, o alumnado de 6º curso participa nunha xornada de convivencia que organiza a Fundación Curros Enríquez.

A mañá centrarase no coñecemento da vila de Celanova e da figura de Manuel Curros Enríquez coas seguintes actividades:
- Visita da Casa dos Poetas.
- Recepción dos catro centros participantes no Auditorio Municipal de Celanova.
- Visita da Casa dos Poetas e ao Mosteiro de San Rosendo.
- Saída a pé cara o Cristal cos outros centros.
- Xantar campestre de confraternización no Cristal, zona arredor da capela da Virxe.

A tarde estará dedicada ao coñecemento da poesía de Manuel Curros Enríquez e dos arredores de Celanova, as actividades serán as seguintes:
- Actividade con títeres centrada no poema "A Virxe do Cristal" de Manuel Curros Enríquez da man da compañía "Teatro Viravolta", na que se poderá coñecer a imaxe da virxe en persoa no mesmo lugar onde foi atopada.

LIBRO CRIATURAS

2011-05-09T12:54:00.007+02:00

O venres, día 27 de maio, ás 12:00 horas, preséntase no auditorio de Celanova o libro "Criaturas" escrito e ilustrado polos nenos/as de 6º curso do colexio.

Haberá un escritor apadriñando o libro.

Acudirán todos/as alumnos/as do colexio.

Haberá diversas sorpresas.

Esperámosvos a todos.

Aquí está a portada do libro e unha foto porque no apadriñamento lector os nenos/as de 6º o utilizaron para lerlles os contos aos de 2º.

CELEBRACIÓN DÍA DO LIBRO

2011-05-06T13:43:00.010+02:00

Como este ano o Día do Libro coincidíu coas vacacións de Semana Santa decidimos celebralo o día 6 de Maio. Finalmente celebrámolo o día 5 aproveitando que a TVG viña gravar ó colexio, xa que nos pareceu unha actividade moi interesante para compartir con todo o mundo.
A actividade "Apadriña un lector" consistíu na lectura dun conto por parte do alumnado de 2º e 3º ciclo ó alumnado de 1º ciclo e infantil.
Cada neno/a leu o seu conto, que elixíu previamente na Biblioteca do centro, a un ou dous nenos/as pequenos/as, facendo cambio de emparellamentos no caso de rematar antes de tempo.
Déixamosvos a continuación unha montaxe que fixemos desta actividade.

MÚSICA PINTADA

2011-05-01T02:31:00.012+02:00

Grazas a unha compañeira do PLAMBE atopamos este marabilloso vídeo, que mestura música e pintura. Esperemos que vos guste.

CLUBE DE LECTURA

2011-04-15T13:41:00.018+02:00

O mércores, 6 de abril, fixemos a primeira xuntanza do Clube de Lectura.
Reunímonos na Biblioteca e comentamos o libro que nos tocou a cada grupo (fixemos 3 grupos).
Tomamos chocolate con bica para facer o encontro máis distendido e inmortalizamos o momento con fotos de cada grupo.

ENCONTROS DO PLAN DE MELLORA DE BIBLIOTECAS ESCOLARES 2010/2011

2011-04-14T14:20:00.008+02:00

Os días 7 e 8 de abril tiveron lugar no Palacio de Congresos, en Santiago de Compostela, os Encontros do Plan de Mellora das Bibliotecas Escolares. Nós como membros do PLAMBE 1, asistimos o venres, día 8. A parte de atoparnos cos compañeiros, que é unha fonte magnífica de información, aprendizaxe e intercambio de experiencias, as sesións que tivemos estiveron moi adaptadas para a mellora do noso traballo no centro. E o punto final das xornadas, coa inextimable presenza de Xosé Neira Vilas, foi impresionante por cómo nos narrou as súas propias experiencias e o seu labor como escritor. Darlle as grazas, coma sempre, a Pilar e a Cristina pola organización e a calidade das xornadas.

Vídeo resume dos Encontros:

Encontros Plan de mellora de bibliotecas escolares 2011 from Bibliotecas Escolares de Galicia on Vimeo.

O FORNO DE FLORDELÍS

2011-04-14T13:26:00.003+02:00

O alumnado de 2º ciclo acudiron ao auditorio de Ourense a ver a obra de teatro "O forno de flordelís" do grupo Elefanteelegante. Un espectáculo que convida a reflexionar sobre a forma en que estamos vivindo a nosa vida en sociedade, a forma en que estamos empregando os recursos naturais neste inicio do século XXI e o destino que lles reservamos.

OS NARIGUDOS

2011-04-14T13:23:00.003+02:00

Os alumnos/as de infantil 5 anos e 1º ciclo de primaria comtemplaron, o xoves 31 de marzo, un espectáculo de monicreques de luva e variñas, salpicado de momentos de humor e cancións en directo, onde se pretendía dar a coñecer a importancia da boa comunicación, do compañeirismo, do amor e do repecto mutuo.Levouno a cabo no Auditorio de Ourense a compañía de títeres Tanxarina.

Sr. MUNDO, DÍGAME

2011-04-14T13:05:00.008+02:00

Os nenos e nenas de 1º e 2º ciclo de Educación Primaria acudiron o martes 29 de marzo, ao salón de actos, a ver a representación da obra de teatro "Sr Mundo dígame" .

UN SACO DE ESTRELAS

2011-04-14T12:52:00.012+02:00

Os alumnos de Educación Infantil e 1º ciclo acudiron o luns 28 de marzo a unha sesión de animación á lectura, titulada "Un saco de estrelas", impartida por Iago López Sánchez.

ENTROIDO 2011

2011-03-11T12:57:00.004+01:00

Despois de moitos preparativos ¡por fin chegou o entroido! e celebrámolo por todo o alto.
Para crear un pouco de ambiente colocamos na entrada do colexio a meca "fada madriña" que nos concedería un desexo se lle metiamos 20 céntimos no peto.

O venres, día 4 de marzo, pola tarde celebramos a festa do entroido co desfile de varias comparsas e posterior baile. Todo o festexo estivo amenizado pola Bruxa Aburrida e as tres Xemelgas.
A temática do desfile era a dos contos infantís:
Infantil 3 anos ían de personaxes do conto "101 dálmatas".
Infantil 4 anos ían de personaxes do conto " Alicia no país das marabillas".
Infantil 5 anos desfilaron de "Bob Esponxa".
1º de primaria desfilou de "D´Artagnan e os Mosqueteiros".
2º de primaria ían disfarazados de "Mickey e Minnie Mouse".
3º de primaria desfilou como "Os Picapedra"
4º e 5º curso representaron o conto do "Frautista de Hamelin".
6º curso desfilou de personaxes dos contos dos "Faraóns ".
As 3 Xemelgas, por orde da bruxa, ían percorrendo todos os contos e participaban cos seus personaxes no desfile.

DÍA DA PAZ

2011-02-02T21:45:00.008+01:00

Para conmemorar o Día da Paz decorouse o ximnasio, onde fixemos todos os actos, con nubes e pingas de auga con mensaxes feitas polos nenos/as facendo alusión ó tema.Tamén se leron poemas coa temática da paz. Preparouse un poema por ciclo agás Ed. Infantil, que prepararou un por curso.

Para rematar, todo o alumnado e o profesorado cantamos a canción de John Lennon IMAGINE, acompañados ó teclado por dúas alumnas do centro, Uxía e Lucía.

Paz 2011

View more presentations from luis425.

A paz é a porta da nosa alegría

Mochilas Viaxeiras Infantil

2011-01-26T14:30:00.002+01:00

Por segundo ano consecutivo, despois da gran aceptación por parte das familias e do alumnado, botamos a andar de novo as mochilas viaxeiras.
Deixámosvos aquí unha presentación do material.

Presentación1

View more presentations from luis425.

Pianista chinés sen brazos

2011-01-23T02:40:00.004+01:00

Liu Wei, un pianista que perdeu os seus brazos aos 10 anos debido a unha descarga eléctrica, fixo unha marabillosa presentación no show "China´s Got Talent" o 08-08-2010.

MOCHILAS VIAXEIRAS

2011-01-17T14:21:00.002+01:00

O venres, 14 de xaneiro, o alumnado de primaria comezou a levar as mochilas viaxeiras, nas que ían distintos materiais. Como máis salientable, este ano incorporamos nas mochilas de 6º o xogo Arume Xogal, coñecido como o Trivial galego, e un cd de audio de Milladoiro. Esperemos que o alumnado siga gozando desta aventura.

MOCHILAS VIAXEIRAS

View more presentations from luis425.

FESTIVAL NADAL

2011-01-17T14:02:00.005+01:00

En decembro, como vén sendo habitual, celebramos o Festival de Nadal coas actuacións do alumnado de Ed. Infantil, 1º de primaria, a rondalla do colexio e os grupos de gaitas e pandeiretas.
Se queredes ver os vídeos preme aquí

E se tamén queredes ver as fotos preme na imaxe.

PREMIADOS NO CONCURSO "CONTOS DE NADAL"

2011-01-14T13:38:00.002+01:00

Despois dunha longa e difícil tarefa de lectura dos contos participantes no concurso, o xurado acordou premiar ós/ás seguintes alumnos/as:

Presentación1

View more presentations from luis425.

PREMIOS CONCURSO TARXETAS NADAL

2011-01-14T13:20:00.002+01:00

Aquí podedes ver todas as tarxetas que participaron no concurso así como os/as alumnos/as premiados/as.

Presentación1

View more presentations from luis425.

GUÍA DE LECTURAS PARA O NADAL

2010-12-22T13:28:00.007+01:00

Como vén sendo habitual por estas datas dende o Equipo de Biblioteca elaboramos un tríptico con lecturas recomendadas para cada ciclo, que xa se entregou a todo o alumnado cando se lle deron as notas.
Aquí o podedes ver. Esperemos que vos gusten.

DÍA DOS DEREITOS HUMANOS

2010-12-04T00:21:00.003+01:00

O Día dos Dereitos humanos marca a aprobación por parte da Asemblea Xeral das Nacións Unidas da Declaración Universal dos Dereitos Humanos o 10 de decembro de 1948.
A continuación veredes unha presentacion do conto "Café dulce, café amargo" creada por marinasa.

Café dulce, café amargo on PhotoPeach

CONCURSO TARXETAS E CONTOS DE NADAL

2010-12-03T13:30:00.007+01:00

Os equipos de Biblioteca e Normalización Lingüística convocamos un ano máis o concurso de tarxetas e contos de nadal.

O concurso de contos vai destinado ó alumnado de primaria e consiste na redacción dun relato con temática navideña. A extensión máxima é dun folio e o texto será en galego. Premiarase un conto por aula.

No concurso de tarxetas participará todo o alumnado do centro. Farase nunha cartolina tamaño DIN A4 dobrada pola metade podendo utilizar todo tipo de actividades plásticas. O texto será en galego. Premiarase unha tarxeta por aula.
As bases están colgadas na Biblioteca e en cada clase.

O MAGOSTO

2010-11-17T11:33:00.015+01:00

O xoves,11 de novembro, celebramos o magosto coas seguintes actividades:
A partir das 12:15 horas da mañá adicamos o tempo a unha sesión de xogos populares, organizada polos mestres de ed. física. Os xogos foron os seguintes: chave, globos, sacos, mensaxeiros, pita cega, zampacastañas, bolos, pano e tesouro, para infantil e primeiro curso . O resto de primaria xogou á chave, tirasoga, sacos, zancos, cazador, chapacastañas, bolos, aros e piña.

Pola tarde, ademais de comer castañas, fixemos outras actividades.
O alumnado de primaria leu unhas poesías adicadas á Castaña Curriña e os/as nenos/as de infantil asistiron a unha degustación de froitos de outono.

Houbo música ambiental entre os distintos actos e ata Fran, de 6º curso, se animou a tocar a gaita galega.

O sabor da aventura está no mar

2010-11-10T13:18:00.008+01:00

O martes, día 9 de novembro, unha cociñeira e un pescador moi especiais viñeron ó cole para fomentar o consumo de peixe entre o alumnado.

O OUTONO NO CURROS

2010-11-08T14:14:00.005+01:00

Para celebrar a chegada do outono ó noso colexio o alumnado de 2º de primaria preparou uns murais sobre o tema, que están colgados á entrada do colexio. Aquí tendes unha mostra do inxenio destes/as rapaces/as.

PRESENTACIÓN RECEITAS MONSTRUOSAS

2010-11-04T13:21:00.006+01:00

A biblioteca converteuse nestes días nun comedor terrorífico onde ata o manxar máis suculento ¡mamasiña que medo dá!!!
Grazas a todos/as pola vosa colaboración.
Que vos aproveite, je, je, je...!

receitas monstruosas

See more presentations by lurevaz Upload your own PowerPoint presentations

CELEBRACIÓN DO SAMAÍN

2010-11-03T14:00:00.014+01:00

Para celebrar o Samaín ambientamos a Biblioteca con motivos propios deste festexo, ademais fixemos unha exposición de libros de medo e postres e comidas monstruosas traídas polos nenos/as en colaboración coas familias. Con todas elas imos facer un libro de Receitas Monstruosas.

O venres 29 de outubro pasaron todos os cursos pola biblioteca. Antes de chegar atopáronse cunha sorpresa terroríiifica!!!!!!! O camiño á biblioteca estaba a escuras, só se vían cabazas decoradas e iluminadas. A biblioteca estaba a escuras e escoitábase de fondo a canción do Samaín do grupo Mamá Cabra.

Houbo tamén unha exposición de cabazas decoradas polos/as nenos/as no corredor da entrada do colexio. Os/as alumnos/as de 6º curso fixeron traballos de busca de información sobre o Samaín e a relación que ten co Halloween.
Aí van as fotos:

CELEBRACIÓN DÍA BIBLIOTECAS ESCOLARES

2010-11-03T13:26:00.010+01:00

O martes día 26 de outubro para conmemorar o día das bibliotecas escolares o alumnado de primaria, agás o 1º curso, viron o vídeo-conto que preparamos na biblioteca.

O mércores 27 a profe Cani, cos seus alumnos de 2º, representou o Conto de dona Carme ó alumnado de infantil e 1º curso.

Mes das Bibliotecas Escolares

2010-10-25T18:38:00.006+02:00

Para celebrar o mes das Bibliotecas Escolares, preparamos este video-conto, preparado de un conto que temos na bilioteca, e o proxectaremos na mesma o día 26.
Iremos chamando por cursos para que o vexan desde 2º ata 6º.
E para os máis pequenos a profe Cani está preparando un conto cos de 2º curso, para contarllo aos nenos de Infantil e 1º curso.

El sueño de Belial

2010-10-19T13:14:00.003+02:00

O noso compañeiro Juanjo Lamelas vai presentar un novo libro este mes.
Deixovos aquí o enlace para que lle votedes unha ollada.
http://juanjolamelas.blogspot.com/2009/11/el-sueno-de-belial.html

Comezamos un novo curso

2010-10-19T12:49:00.009+02:00

Un curso máis abrimos a biblioteca do cole a principios de outubro.

Despois de preparar os carnés e explicarlles os nenos/as de primeiro curso o funcionamento da biblio, por fin abrimos a biblioteca.

Para darlle colorido, preparamos un cartel de benvida coa mascota e colocamos uns móbiles colgados do teito.

Un saúdo a todos/as.

Vida de Uxío Novoneyra

2010-06-23T15:35:00.003+02:00

Os alumnos cóntanmos quén era Uxío

Premios do certame de poesía

CANTIGAS DE CEGO

2010-06-23T00:00:00.003+02:00

OS PEQUES ASOMBRAN COA SÚA SOLTURA NESTA VERSIÓN ORIXINAL DO CONTO DOS TRES PORQUIÑOS

PROXECTO UXÍO

2010-06-22T21:02:00.002+02:00

OS ALUMNOS EXPLICAN ESTE PROXECTO QUE IMPLICOU A TÓDOLOS NENOS E MESTRES DO CENTRO

1ª parte

2ªparte

A LARANXA MÁIS LARANXA DE TÓDALAS LARANXAS

2010-06-22T19:52:00.003+02:00

AQUÍ ESTÁN OS ALUMNOS DO GRUPO DE TEATRO CON ESTA ESTUPENDA OBRA DE CARLOS CASARES

1ª parte

2ª parte

A FLOR MÁIS GRANDE DO MUNDO

2010-06-21T23:50:00.003+02:00

Queremos sumarnos á iniciativa doutros blogues de bibliotecas escolares para recordar a José Saramago, que aínda que nos deixou fisicamente, seguira sempre con todos.

LETRAS GALEGAS 2009 - 2010

2010-05-18T14:32:00.007+02:00

Este ano para conmemorar o "Día das Letras Galegas", fixemos un traballo por proxectos sobre Uxío Novoneyra, no que colaborou todo o colexio desde infantil hasta sexto, e tamén se implicaron os especialistas.
Cada curso encargouse dun proxecto relacionado co entorno do poeta, así quedaron os proxectos:
Educación Infantil:
3 anos: O CUCO
4 anos: O BOI
5 anos: O LOBO
Educación Primaria:
1º ciclo: O TEMPO E AS ESTACIÓNS(1º curso), AS FONTES (2ºcurso)
2º ciclo: FAUNA E FLORA DO COUREL(3ºcurso), CONTEXTO XEOGRÁFICO (4ºcurso)
3º ciclo: CONTEXTO HISTÓRICO(5º curso) CONTEXTO LITERARIO (6º curso)

Durante esta semana pasada foron expostos tódolos traballos na entrada do colexio.
O venres no salón de actos os nenos de cada curso explicaron o que fixeron,ademais os nenos de infantil cantaron cancións relacionadas co traballo que fixeron e os nenos de primaria cantaron dúas cancións con poemas de Uxío Novoneyra e a música composta polo profe de música do colexio, destacando que a canción que interpretaron os nenos de 3º a acompañaron con instrumentos feitos por eles.

Presentación1

View more presentations from luis425.

UXÍO NOVONEYRA o poeta do Courel

2010-05-13T12:42:00.002+02:00

CORRELINGUA 2010

2010-05-05T11:08:00.003+02:00

Celebración Día do Libro

2010-04-27T11:05:00.009+02:00

O día 23 de Abril celebramos "O Día do Libro" dunha maneira moi emotiva. Os nenos/as desde 2º curso ata 6º de primaria apadriñaron aos nenos/as de infantil e de 1º curso de primaria, para contarlles un conto.

Durante os días previos houbo moitísimo movemento na biblio, porque os nenos/as foron coller os libros para preparar o conto que lles ían contar aos máis cativos.

A hora elexida foi a "hora de ler". Ocupáronse distintos espazos do centro (corredores, patio de infantil ...), onde os nenos disfutaron desta sesión, tanto os que contaron o conto como os que o escoitaban.

Ao final desta actividade repartíronse uns caramelos a todos os participantes.

A experiencia estivo moi ben, e quedamos todos/as con moitas ganas de volver a repetila.

Concurso Día do Libro

2010-04-27T10:46:00.008+02:00

Durante a semana do 19 o 23 de abril entregamos un cuestionario de preguntas relacionadas co Día do Libro na biblioteca. Neste concurso de investigación podían participar todos os nenos/as do colexio. Tiveron de plazo para entregalo ata o 23 de abril.
O cuestionario collímolo de unha webquest elaborada por Lola Iglesias do CEP Crespón, a quen lle agradecemos o seu traballo e polo a disposición de todos.
Todos os nenos/as participantes tiveron un agasallo que se lles entregou o luns 26 do mesmo mes.

DÍA DA POESÍA

2010-03-25T13:37:00.003+01:00

Co gallo do "Día da Poesía", o Equipo da Biblioteca co de Normalización Lingüística, organizamos unha actividade a nivel de centro consistente en traballar unha poesía por aula (seleccionada polo equipo previamente) e posteriormente decorala con motivos alusivos a ela.
Despois fíxose unha exposición de todos os traballos no corredor de acceso á Biblioteca e todas as clases pasaron a vela e ler as poesías.
Aquí tedes unha mostra dos traballos.

DíA Da PoesíA

View more presentations from luis425.

Iago Lòpez no colexio

2010-03-05T04:38:00.001+01:00

Hoxe estivo no colexio Iago López, que nolo trouxo a editorial Anaya, para facer unhas sesións de animación á lectura. Contou tres contos: "Os tres amigos", "A gardería de dona Bixelmina" e "Carreira de sacos". Fixo varias sesións para Infantil e para 1º, 2º e 3º de Primaria. Aos nenos gustoulle moito e estiveron moi participativos.

O entroido

2010-02-23T14:10:00.005+01:00

Este ano o entroido adicouse a biodiversidade.

Durante toda a semana tivemos a figura da Meca que nos ía dicindo o complemento de vestiario que tiñamos que traer cada día.

Por último o venres día 12 fixemos unha festa pola tarde, na que os nenos/as se disfrazaron por ciclos con motivos diferentes relacionados coa diversidade.

Pulsa aquí para ver as fotos

Pulsa aquí para ver os videos

Tamén fixemos una exposición na biblioteca con libros relacionados co entroido.

Clubs de Lectura

2010-02-23T13:26:00.008+01:00

Neste curso embarcámonos nunha nova aventura: "Os Clubs de Lectura"
No mes de novembro, membros do Equipo da Biblioteca tivemos unha reunión cos alumnos do terceiro ciclo de primaria explicándolles en que consistía esta proposta e animámolos a inscribirse nesta actividade.
Como a resposta foi moi exitosa decidimos organizar tres clubs, encargándose destes, tres mestres do equipo da biblioteca.
Eliximos tres espazos acolledores para facer as reunións.
Neste momento estamos co terceiro libro, cunha resposta moi positiva por parte do alumnado.
Nestas fotos vemos os tres clubs de lectura:

Mochilas Viaxeiras

2010-02-23T10:53:00.006+01:00

Fai unhas semanas puxemos a andar as mochilas viaxeiras.
Como todos estes anos os nenos/as as esperaban con impaciencia.
Xa sabedes que cada clase leva unha mochila, e cada neno/a a leva durante unha semana para que disfrute de todo o material que vai nela.

Aqui estan distintas mochilas co seu material.

Mochilas Viaxeiras

View more presentations from luis425.

O CONTO DA LÚA

2010-02-11T11:19:00.002+01:00

OS RAPACES DE 5 ANOS CÁNTANLLE Á LÚA...

La Leyenda de las Lágrimas Doradas

2010-02-02T13:39:00.003+01:00

O mércores 27 de xaneiro o noso compañeiro Juanjo presentou o seu libro titulado "La leyenda de las lágrimas doradas" no edificio Simeón de Ourense.
Tivo moitísima audiencia, de feito non chegaron as cadeiras para sentarse todos os que alí estabamos.
Ao día seguinte fixo unha segunda presentación en Celanova, tamén con moita afluencia de público.
Dende aquí os compañeiros desexamoslle moito éxito nesta nova aventura.

http://www.scribd.com/doc/25205237/la-leyenda-de-las-lagrimas-doradas-Capitulo-I

DÍA DA PAZ 2010

2010-02-02T10:24:00.006+01:00

O venres día 29 celebramos o "Día da Paz", e con tal motivo preparamos con todo o colexio unha canción de Michael Jackson titulada "Heal the World" con letra traducida do grupo brasileiro Roupa Nova, que cantamos todos xuntos no ximnasio. Os nenos o fixeron moi ben, uns auténticos profesionais (os profes non tanto, que algún nin a letra sabía...jajaja); se non o credes mirade o video. Por certo, as voces son dos nenos e os profes, non é playback!!!
Antes da canción, nenos de primeiro recitaron uns poemas sobre a Paz.

Aquí vai unha fermosa poesía e a canción da paz

que todo o colexio preparou con entusiasmo:

FESTIVAL DE NADAL 09/10

2010-01-06T20:54:00.011+01:00

Rondalla Escolar

Monicreques do Grupo de Teatro

Este Nadal

Mi Burrito Sabanero

Os Pastores de Belén

Patito Feo

Un Nacemento para Todos

Unha vez ocorreu...

GUÍA DE LECTURAS PARA O NADAL

2009-12-21T23:12:00.004+01:00

Un ano máis por estas datas entregamos co boletín de notas do trimestre unha guía con recomendacións de lecturas para o nadal.
Desde o Equipo da Biblioteca desexámosvos a tod@s unhas Felices Festas e un Ano Novo inmellorable.

Guia Nadal 09

View more documents from luis425.

Tódalas cancións dos Beatles

2009-11-22T16:54:00.006+01:00

"El Correo Digital" deíxanos esta páxina tan marabillosa para que poidamos acceder a tódalas letras das cancións dos Beatles.

Canciones

CASTAÑATUNNIG SHOW

2009-11-12T20:48:00.004+01:00

Hai que che ter imaxinación para facer todo isto cunha castaña...

Noraboa rapaces!

SAMAÍN NA BIBLIOTECA

2009-11-09T13:29:00.009+01:00

O venres día 30 de outubro celebramos "O Samaín" na biblioteca do cole. Preparamos un recuncho no que había unha caixa para que os nenos/as deixaran os seus medos, a través de debuxos feitos por eles, para facer despois con eles o "Gran libro do medo".
Tiñamos exposta información sobre o Samaín e cada grupo que pasaba pola biblioteca a ía lendo.

Así quedou "O Gran Libro do Medo"

DÍA DAS BIBLIOTECAS ESCOLARES

2009-11-01T20:49:00.010+01:00

CHA - CA - PUN

Para celebrar un ano máis "O Día das Biliotecas Escolares", os días 27 e 28 de outubro mestres do equipo da biblioteca, de normalización lingüística e de voz natura fixemos sesións de contacontos.

Aos nenos/as de E. Infantil, Cani contoulles unha adaptación do conto dos "Sete Cabritiños" e "Tanito e a Bruxa".

En Primaria os nenos/as participaron nunha sesión de contacontos, adaptación do conto de "Cha-Ca-Pun".

MÁIS FOTOS AQUÍ

CHA - CA - PUN (1ª parte)

CHA - CA -PUN (2ª parte)

Montaxe fotográfico da actuación

Abrimos a biblioteca un curso máis

2009-10-14T10:37:00.007+02:00

Un curso máis abrimos a bilioteca, para que os alumn@s disfruten dela.
Moitos destes alumnos estrenan o novo formato de carnet.

Desde a biblioteca xa estamos a preparar actividades para "O día internacional das bibliotecas escoolares.

Seguiremos en contacto con todos por medio do Blog.

Operación Pandemia

2009-09-06T16:42:00.010+02:00

Neste comezo de curso, a xente anda máis preocupada pola gripe A, que polo curso en sí, sen embargo ¿debemos estar tan preocupados?
Este documental pódenos aclarar bastante sobre a gripe A.
Por certo case se me esquecía, ¡Bo comezo de curso!

FESTIVAL FIN DE CURSO 2008/09

2009-06-28T10:53:00.020+02:00

THE ENGLISH CLASS

LA VERBENA DA LA PALOMA

A RATIÑA PRESUMIDA

FOTO FIN DE CURSO

UNHA BRANCANEVES ESPECIAL

A QUINTA ESTACIÓN

ENGLISH MIX

ELA, ELA

AÍ VÉN O MAIO

CURROS FASHION SHOW (1ª parte)

CURROS FASHION SHOW (2ª parte)

O CARACOL

RONDALLA

Fotos para recordar un curso cheo de ledicia

2009-06-12T16:50:00.010+02:00

Un cole de nenos felices

Un recordo para os alumnos de 6º

A viaxe a Cataluña

Despedida homenaxe dos alumnos de 6º

Letras Galegas 2009

2009-05-23T17:35:00.011+02:00

Aquí encontraredes dous vídeos que recollen as algunhas das actividades feitas con motivo do Día das Letras Galegas, este ano adicado ó escritor e xornalista Ramón Piñeiro

Os peques e as Letras Galegas

III Premio de Poesía "Letras Galegas" (1ªparte)

III Premio de Poesía "Letras Galegas" (2ª parte)

Mario Benedetti o Poeta de todos/as

2009-05-21T14:25:00.003+02:00

Mario Benedetti aínda que se nos foi, deixounos poemas tan bonitos coma este:

Pasatiempo

Cuando éramos niños
los viejos tenían como treinta
un charco era un océano
la muerte lisa y llana
no existía.

Luego cuando muchachos
los viejos eran gente de cuarenta
un estanque un océano
la muerte solamente
una palabra.

Ya cuando nos casamos
los ancianos estaban en cincuenta
un lago era un océano
la muerte era la muerte
de los otros.

Ahora veteranos
ya le dimos alcance a la verdad
el océano es por fin el océano
pero la muerte empieza a ser
la nuestra.

Letras Galegas 2009

2009-05-19T23:44:00.008+02:00

O venres 15 de Maio celebramos no cole o "Día das letras Galegas".
Os nenos de sexto curso viron a primeira hora da mañá, unha presentación Sobre Ramón Piñeiro, que deixou Maria do CEIP Rosalía de Castro de Xinzo de Limia a disposición de todos/as nos desinteresadamente.
Despois do recreo fixemos o III Certame Literario de Poesía.
Na seguinte presentación podedes ve-las poesías gañadoras.

Poesías Gañadoras

View more documents from luis425.

Olimpiada do saber

2009-05-06T14:02:00.005+02:00

O mes pasado comezamos a II Edición da Olimpiada do Saber cos nenos de sexto curso.
Como xa sabedes consiste nunha serie de probas que teñen que resolver por equipos, compostos de tres ou catro alumn@s , diaria e semanalmente polas que obteñen puntos. As probas consisten en resolver enigmas e preguntas.Poderán buscar as respostas empregando distintas fontes de información: libros temáticos, enciclopedias, internet ...
Os tres equipos que acaden máis puntos recibirán distintos agasallos.

CONCURSO DE POESÍA

2009-05-06T13:44:00.003+02:00

Dende a Biblioteca e en colaboración co Equipo de Normalización Lingüística promoveuse o III Certame Poético.
Estas son as bases do concurso

O 15 de Maio faremos un recitado das poesías gañadoras xunta con outras elaboradas nas clases de Educación Infantil e entregarase ós gañadores como premio, libros de poesía .

DÍA DO LIBRO

2009-05-06T13:20:00.005+02:00

O día 23 celebramos "O Día do Libro" con distintas actividades:
- Lectura en voz alta do libro "Matilda" de Roald Dahl, cos nenos de 6º curso na biblioteca.
- Lecturas nas aulas de contos infantís.
- Entrega de marcapáxinas e pequenos caderniños coa portada de libros ós nenos que se achegaron á biblioteca na hora do recreo.
- Elaboración de marcapáxinas nas aulas, a partir dun modelo coa figura da mascota da biblioteca.

TEATRO NO COLEXIO

2009-04-23T16:18:00.009+02:00

Onte no colexio estivo o grupo de teatro Babaluba, que nos representou a obra "Lume".
A obra asistiron os nenos de infantil e os de primeiro ciclo de primaria.

Día da Poesía

2009-03-23T12:42:00.003+01:00

Hoxe, 23 de Marzo, celebramos "O Día da Poesía", con recitado de poemas por nenos do centro que viñeron voluntariamente á biblioteca na hora do recreo.

Uxía de cuarto curso de Primaria, deixounos a seguinte poesía creada por ela:

Campá campaíña,
que soas tan lonxe,
a túa musiquiña
ven de Monforte.

¡Sumerxícheste na auga!
pero antes de bucear
hai que aprender a nadar.

SEMANA DA PRENSA

2009-03-17T10:35:00.002+01:00

Na semana da prensa a nosa biblioteca encheuse de todo tipo de xornais (deportivos, nacionais, rexionais...) e revistas variadas aparte das que hai habitualmente.

Algúns cursos utilizaron a "Hora de Ler" para ir á biblioteca a ler os xornais e as revistas. Outros usaron a hora que lles corresponde de biblioteca. Outro momento que se aproveitou para este fin foi a hora do recreo.

Alumnos lendo os xornais na biblioteca

CONTO VIAXEIRO

2009-03-16T14:26:00.010+01:00

Este ano decidimos darlle vida á mascota da biblioteca, Pepón. Para eso puxemos en macha a aventura do conto viaxeiro que comezou polos máis cativos e acabará nos máis grandes. Cada semana Pepón fará unha visita por aula e os nenos crearán unha historia sobre a súa vida. Neste momento xa está no primeiro ciclo. Deixámosvos unha mostra desta viaxe.

Xuntanza escolar en homenaxe a Curros

2009-03-09T00:50:00.006+01:00

Os alumnos de 6º curso do CEIP Curros Enríquez particitamos nunha xuntanza con outros colexios de Galicia para clausurar as celebracións do Centenario de Curros. Durante a convivencia celebramos un recital literario no que interpretamos a canción O MAIO na versión de L.E. Batallán.

Entroido 2009

2009-02-27T06:49:00.005+01:00

O día 20 de febreiro celebramos no Centro a Festa do Entroido:

disfraces, carautas, bailes, cancións e chocolatada

para ledicia de toda a comunidade escolar.

Durante toda a semana o MECO estivo facendo das súas.

O MECO DI:

A continuación atoparás

os vídeos máis divertidos do Entroido

Clavelitos

2009-02-27T06:18:00.005+01:00

Os mestres da tuna deron un recital!!!