sábado, 21 de octubre de 2017

Día da Biblioteca: 24 de outubro

O 24 de outubro é o Día da Biblioteca e  no noso país celébrase desde 1997 en recordo ao incendio da Biblioteca de Saraxevo en 1992 durante o conflicto dos Balcáns.


Esta celebración faise para destacar á opinión pública a importancia da biblioteca como lugar de encontro de lectores coa cultura, a importancia dos libros para a memoria colectiva e ocmo instrumento de mellora da formación e a convivencia humana.
Preténdese concienciar á sociedade da importancia da lectura e agradecer o esforzo daqueles que traballan na biblioteca.
Destacamos pois, o papel da biblioteca como un espazo de coñecemento libre e gratuito e que se fai aínda máis necesario dentro do novos entornos dixitais e contribúe a reducir as desigualdades sociais.
O cartel e pregón deste ano  foron feitos por  Alejandro Palomas.



Texto traducido e adaptado de https://www.mecd.gob.es/cultura/areas/libro/mc/observatoriolect/redirige/destacados/2017/octubre/mundo-bibliotecas/dia-biblioteca-2017.html

jueves, 19 de octubre de 2017

miércoles, 18 de octubre de 2017

Guía de usuarios da biblio

O equipo de biblio elaborou unha guía de usuarios para que todo o mundo que vén á nosa biblioteca saiba por onde anda e non se perda nela.




Abriu a biblioteca!

Estamos xa a pleno rendemento na biblio do Curros!
Fai unha semana que abrimos as portas e estamos tendo moita afluencia de usuarios/as!
Os diferentes cursos foron subindo e o mestres Luis e a mestra Sonia  lembraron as normas, pasearon cos nenos e nenas polas diferentes seccións e realizouse o primeiro préstamo do curso! 
Que ganas tiñamos xa de vervos por aquí!
Foi a primeira vez para o alumnado de 1ºEP, que se ía moi contento, cos seus libros.

 Na biblioteca tamén podemos ler, xogar, escoitar música...

lunes, 16 de octubre de 2017

II Día das Escritoras



Desde a biblioteca do CEIP Curros Enríquez de Celanova, queremos unirnos á celebración  do Día das Escritoras.
Xuntando esta conmemoración á tristura que sentimos ao ver o monte arder lembramos aquela poesía de Gloria Fuertes na que facía un alegato precioso en favor da natureza.
Aproveitamos para comentar que neste 2017 cumpríronse 100 anos do seu nacemento.


Niño Tom:

Si vas al campo,

no subas por los almendros.

Ni cojas nidos,

ni caces pájaros,

ni mates insectos negros.



¡Ay, esa flor, esa flor

que ahora muere entre tus dedos,

sus novecientas hermanas

la están echado de menos!



Si vas al campo,

sé bueno.

¡Échate en la hierba,

canta,

estate quieto!

No deshagas las casas

de los insectos



Niño Tom:

Si vas al campo

Sé hombre,

niño pequeño.

(GLORIA FUERTES)



NON QUEREMOS LUME!

martes, 10 de octubre de 2017

A biblio abre as súas portas!

Onte a biblio abriu por fin! Xa tiñamos ganas de amosarvos as novidades e de que os libros comezaran a viaxar ás vosas casas. Empezaron os nenos e nenas de 1º de primaria.

lunes, 9 de octubre de 2017

Axudantes da biblio

Presentámosvos aos/ás AXUDANTES DE BIBLIO para o curso  2017/2018: 32 nenos e nenas de 5º e 6º aos que a biblio chíflalles! Moitas grazas pola vosa colaboración desinteresada!


Plano da biblio

Velaquí tedes un plano da nosa biblio. Se non tivestes a oportunidade de visitala podedes observar tódalas seccións e zonas que dispón.
  • Libros de educación infantil
  • Libros informativos ( non ficción)
  • Libros de ficción en galego
  • Libros de ficción en castelán
  • Poesía, cómic, teatro, outras linguas, materiais creados polo centro
  • Exposicións temáticas
  • Revistas
  • Xogos
  • Novidades
  • Buzón de suxerencias
  • Sección audiovisual
  • Equipos de música
  • DVD
  • Zona de internet
  • Pizarra dixital
  • Zona de traballo en equipo
  • Zona de lectura relaxada


sábado, 7 de octubre de 2017

Comezou a Hora de ler



Este luns, 2 de outubro comezou a HORA DE LER no colexio.
Isto significa que á volta do recreo  os nenos e nenas do Curros sumérxense na lectura un bo rato. Poden ler o que lles apeteza: desde un libro que tran da casa, un da biblio, revista...
HORA DE LER é un programa da administración pública galega para o fomento da lectura no contexto educativo, contemplado na normativa curricular desde 2007.

Aprender a pensar coa biblioteca escolar


"Aprender a pensar coa biblioteca escolar" é o lema  deste ano para as bibliotecas escolares.
 O ilustrador Xosé Tomás foi o encargado, nesta ocasión, de realizar a  interpretación gráfica do lema anual.


Unha biblioteca  escolar supón unha oportunidade única para axudar a nenas e nenos a desenvolver o seu pensamento crítico, a "aprender a pensar".

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo,  nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos  para desenvolver o pensamento complexo. 


A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. 

(Texto extraído do Blog de bibliotecas escolares de Galicia)

martes, 3 de octubre de 2017

Canto tempo... e parece que aínda foi onte.



A semana que vén, a biblio empeza a súa viaxe un curso máis! E van -que nos teñamos constancia- 42 anos xa! Como vistes nunha entrada anterior existen libros de préstamo do 1974. 
Cómpre resaltar a importancia que tivo sempre a biblioteca escolar no CEIP Curros Enríquez de Celanova,  daquela cun inxente número de alumnos/as e empregando técnicas que hoxe son rudimentarias para nós. De feito, a informatización dos fondos  comezou a facerse hai uns tres lustros aproximadamente. 
Encetado o novo século, as administracións tomaron cartas no asunto e comezaron os Plans de Mellora de Bibliotecas Escolares (PLAMBE) sendo o noso centro un dos primeiros en formar parte dese plan alá polo 2005 xunto  con outros 14  de toda Galicia. Desde aquela pasaron 12 anos e o fogar do libros do Curros mudou considerablemente como podedes comprobar polos rexistros do pasado, mesmo  se pode entrar ao catálogo de forma online no chamado OPACMEIGA.
Pepón xa non se sinte tan  só  durante as noites de pedra en Celanova, agora ten a compañía da cebra Camila, Don Quixote e Sancho ademáis dos moitísimos libros  e pode que, algún  aplicado rato de biblio...


viernes, 29 de septiembre de 2017

Biblioteca a punto

Bo día!O mes de setembro chega ao seu fin e a biblio está a punto de abrir as súas portas.

 Moitos nenos e nenas subistes  despistados/as e escapados/as durante o receo  pero atopástela fóra de servizo, iso significa que tedes moitas ganas  de coller libros ou películas polo que alegrámonos moito de dicir que: a semana que vén sairán os horarios,  listado de axudantes de biblio e voluntarios lectores/as.
Aquí vos deixamos unhas fotos coas seccións da biblio renovadas...

















 








sábado, 23 de septiembre de 2017

Reliquias da biblio

Ola, amigos e amigas! Por aquí arriba continuamos coas tarefas  de posta a punto da biblio. Aquí vos deixamos os antigos libros de rexistro para que vexades que non siempre houbo ordenadores e Meiga (programa de xestión dos fondos da biblioteca) para facilitarnos o traballo.










martes, 12 de septiembre de 2017

Biblioteca acicalándose...

Onte o noso cole encheuse de voces infantís! 
Desde a biblio desexámosvos un curso cheo de emocións!
Polo momento por aquí arriba estamos acicalándoa  e preparándoa para a vosa chegada masiva! 
Comprobaredes que renovamos algúns mobles, hai novas seccións e sobre todo, moitos carteis para que non vos perdades no mar de libros non que habitan Pepón e a Cebra Camila.
Ata pronto!

viernes, 1 de septiembre de 2017

Comezamos!

Na biblio do Curros Enríquez de Celanova xa se cocen fabas desde fai algúns días! Quizais a mascota Pepón, ou a cebra Camila...
Pode que un rato de biblioteca ou todos en reunión traballaron alegres para que hoxe, 1 de setembro, saíra a primeira publicación no blog.
Aquí vos deixamos as últimas adquisicións da biblio: libros informativos, de ficción,  poesía  e cómics . Un pouco de todo para que as ganas de visitarnos sexan moitas.
Comezamos o curso 2017/2018  con ilusión e milleiros de ideas para que a biblio do Curros... vos atrape!