lunes, 20 de noviembre de 2017

Dereitos da INFANCIA


Celébrase O Día Internacional do Neno e da Nena! 
A Asamble Xeral da ONU recomendou en 1954 destinar un dia a fomentar a fraternidade entre os nenos e nenas do mundo e promover o seu benestar con actividades sociais e culturais.
No 1959  aprobouse a Declaración dos Dereitos do Neno e no 1989 a  Convención sobre os Dereitos do Neno, o tratado internacional máis ratificado da historia.

Cales son eses dereitos?



Aquí vos deixamos o texto completo da Convención sobre os Dereitos da Infancia

 No enlace seguinte a biblio déixavos moitos recursos para traballar na clase e na casa cos nenos e nenas.




lunes, 13 de noviembre de 2017

Novembro, mes da ciencia en galego

Dende o 2014, a Consellería de Cultura, Educación e Ordenación Universitaria vén propoñendo a celebración do mes de novembro como Mes da Ciencia en Galego nas Bibliotecas, tamén nas bibliotecas escolares.  A matemática Peregrina Quintela Estévez, Premio "María Joséfa Wonenburger Planells" 2016, foi a encargada de escribir o manifesto deste ano 2017.

http://www.edu.xunta.es/biblioteca/blog/files/A3%20Manifiesto%202017.pdf

Na biblio do Curros  estamos preparando as seguintes actividades:
  • Experimentos de Pepón
  • 12 mulleres científicas galegas
  • Obradoiro no laboratorio: microscopio

jueves, 9 de noviembre de 2017

Samaín na biblio

Velaquí a crónica dun 31 de outubro máis...


Na última entrada do blog puidestes ler sobre o Samaín e ver como estaba o colexio cheíño de farois-guía para os espíritus que visitaron o cole esa noite...

Nesta nova crónica contarémosvos tódalas actividades que se fixeron para conmemorar o final do bo tempo.
O alumnado de infantil elaborou o "Libro dos feitizos" e o de primaria "Contos de medo". 


En breve amosarémosvolo xa que aínda están no obradoiro de  maquetación. Puideron escoitarse algúns contos durante a semana a través da megafonía do centro.
Como tódolos anos a biblio tivo durante a semana unha gran exposción de libros terroríficos.




Proxectáronse dúas curtas para quitar o hipo ao noso alumnado: "A bruxa regañadentes para infantil, 1º e 2º; "Samaín", curta feita polo equipo de biblio para explicar a orixe da celebración.


A nosa auxiliar de conversa, Ellen, contou a versión en inglés do conto "Corre corre cabaciña" ("Run run little pumpkin" traducido por ela e o mestre Luis. A historia en galego foi preparada polos /as voluntarias lectores/as de 6ºA  na actividade Somos contacontos.

https://www.youtube.com/watch?v=Hd9YszuwWlU


Para rematar realizouse unha fotomontaxe chamada "Monstros arrepiantes" e que por problemas técnicos só puido ter  por protagonistas, este Samaín, aos monstros dun curso.



Nas materias de Plástica/ Arts and Crafts e Lingua Galega traballouse o tema durante toda a semana e incluso o alumnado de 6º preparou un coñecido baile de zombies. O túnel do medo, sen dúbida, foi a actividade estrela da xornada e por el pasaron tódolos nenos e nenas do colexio.

lunes, 30 de octubre de 2017

Dá comezo a semana dos espíritus! Aí ven o Samaín!

A entrada da nosa escola xa loce á altura dunha celebración tan agardada polos cativos e cativas!



Mais convén lembrar de onde ven esta festividade! 
Algún valente se atreve?




A antiga festividade céltica do samaín foi habitualmente descrita como unha comuñón cos espíritos dos defuntos que, especialmente nas datas do 31 de outubro ó 1 de novembro, terían autorización para camiñar entre os vivos.

Os celtas celebraban co Samaín o paso do ano, a fin do tempo das colleitas e, con el do ano vello, e o comezo do inverno e, con el, do ano novo. Igualmente, o Samaín era o momento no que as ánimas dos mortos retornaban ás súas casas para visitar os familiares aínda vivos. Nesta visita aproveitaban para buscar alimento e quentarse co lume da lareira, polo que era costume deixar o lume aceso nesta noite e nunca varrer a lareira para non afastar as ánimas; por veces tamén se deixaba unha cadeira baleira, co seu servizo de comida e bebida, para que as ánimas se achegasen á mesa familiar.

Afírmase que polo samaín era costume baleirar nabos de gran tamaño para pórlles dentro candeas, e esta tradición, conservada en Irlanda, puido ter sido exportada aos Estados Unidos de América polos irlandeses coas migracións a este país no século XIX e comezos do XX. De ser así, a tradición tería continuidade nas festas de Halloween, do que sería o seu precedente, nunha adaptación do samaín na cultura estadounidense, semellante a un Entroido, na que os nabos foron substituídos por grandes cabazas.

Esta semana no monstroBiblio...


sábado, 28 de octubre de 2017

Así foi a Semana das Bibliotecas ...

Esta semana a biblio recibiu visitas de seguido e estamos moi ledos!




Tódolos cursos de primaria subiron para facer a primeira sesión de formación de usuarios deste curso. Nela os máis pequenos/as aprenderon que é a cuberta e o lombo dos libros e os máis grandes coñeceron as cores da CDU e o tipo de libros  que se agocha tras elas.



O martes, día 24 de outubro, varios axudantes da biblio presentaron por megafonía a todos/as o lema deste curso "Aprender a pensar coa Biblioteca Escolar".




Ademais repartírons guías de usuarios da biblio por tódalas aulas.


A nosa  auxiliar de conversa, Ellen, presentouse aos nenos e nenas. Todos/as a coñecen porque é o segundo ano que está con nós pero preparou unha presentación na que nos amosou o fermoso lugar onde vive.



Por último, empezou a viaxe das Mochilas Viaxeiras! Mochilas que este ano son de estrea ademais dun novo modelo de Diario da Mochila para que tódalas familias nos deixen a súa opinión.






Foi unha semana completiña pero a que vén non o será menos porque...





lunes, 23 de octubre de 2017

Actividades da biblio para a semana das B.E.

Presentamos o noso cartel de actividades para conmemorar o Día das Bibliotecas Escolares. Realizaranse actividades durante toda a semana, en breve xa colgamos a crónica e as mellores fotos.